Gjyqtari i Dhomave të Specializuara, Nicolas Guillou, ka dhënë dorëheqje.
Ai e ka dorëzuar sot dorëheqjen tek kryetarja e Gjykatës Ekaterina Trendafilova.
Lajmin e ka konfirmuar vetë Gjykata Speciale përmes një njoftimi për media.
Gjykata ka njoftuar se Guillou ka marrë një pozitë të re në Gjykatën Ndërkombëtare Penale.
.
“Më 6 qershor 2024, gjyqtari Nicolas Guillou i dorëzoi Presidentes Ekaterina Trendafilova dorëheqjen e tij si gjyqtar në listën e gjyqtarëve ndërkombëtarë të Dhomave të Specializuara të Kosovës (DHK). Dorëheqja e gjyqtarit Guillou vjen pas zgjedhjes së tij si gjyqtar i Gjykatës Ndërkombëtare Penale dhe marrjes së detyrave të tij atje. Presidentja Trendafilova e përgëzoi gjyqtarin Guillou për zgjedhjen e tij dhe shprehu vlerësimin e saj të sinqertë për kontributin e tij të jashtëzakonshëm në mandatin e KSK-së përmes, ndër të tjera, punës së tij si Gjyqtar Paragjyqësor dhe Gjyqtar i vetëm”, është thënë në njoftim.
